RSS(გამოწერა)

ერთფეროვანი უდაბნოს უკიდეგანო სივრცე, ბარხანები და ქვიშის ოქროსფერი ტალღები, თავისდაუნებურად, ქმნიან ერთგვარ იდილიას და, საყურადღებო არც არაფერი იქნებოდა აქ, რომ არა უდაბნოს შუაგულში ლაღად ტოტგადაშლილი ხე, რომელიც უდაბნოს, თითქოსდა, ამ სრულყოფილ იდილიას, უცერემონოდ არღვევს. ირგვლივ მხოლოდ უსიცოცხლო ქვიშა, წვეთს ვერ ნახავს კაცი წყლისას, ვერც ტენიან ადგილს, ხე კი, მაინც, ამაყად დგას, თითქოს მცველი ყოფილიყოს წმინდა ადგილისა. ცხელი მზე, მშრალი უდაბნო, ხე კი სულ იზრდება და იზრდება, განუწყვეტლივ ამოიყრის ხოლმე ახალ-ახალ კვირტებს, ახალ-ახალ ყლორტებს და, სულ უფრო და უფრო, შლის მწვანედ დაფოთლილ ტოტებს.

სულ ვცდილობ, ხოლმე, მაქსიმალურად რეალური სახით გადავიტანო  ციფრულ ფორმატში ბუნების ზღაპრული სილამაზე და რამდენად გამომივიდა, ეს, თქვენი შესაფასებელია, ასე რომ, ნახეთ ბუნების საოცრება მაკრო-რეჟიმში გადაღებულ 30 ფოტოგრაფიაში...

ორ ათეულ წელზე მეტია, რაც რუსთავში საკალათბურთო კლუბი ჩამოყალიბდა. ამ ხნის მანძილზე ბევრჯერ შეეცვალა სახელი, იყო არაერთი გამარჯვება და მუდამ ამაყობდა საკუთარი სკოლის აღზრდილი სპორტსმენების წარმატებით.
`რუსთავის” გუნდი ერთადერთია, რომელსაც საქართველოში ჩატარებულ ყველა ეროვნულ ჩემპიონატში აქვს მონაწილეობა მიღებული და ტიტულების რაოდენობის მიხედვითაც ის ნომერ პირველია.  22წლის მანძილზე ამ კლუბმა 22 ჯილდოსი და ქომაგთა დიდი სიყვარულის მოპოვება შეძლო.
იყო წარუმატებელი წლებიც, მაგრამ გუნდურობისა და ადგილობრივი სპორტსმენების ერთგულების წყალობით, ამ კლუბმა მოახერხა შეენარჩუნებინა გუნდი და ექცია რუსთავი "საკალათბურთო ქალაქად”.

ამ საახალწლო და საშობაო დღეებში, ასევე, სრულიად საქართველოს კათოლიკოს-პატრიარქის, მცხეთა- თბილისის მთავარეპისკოპოსის, ბიჭვინთისა და ცხუმ-აფხაზეთის მიტროპოლიტის, უწმინდესისა და უნეტარესის ილია მეორის აღსაყდრების 35-ე და დაბადების მე-80 წლის საიუბილეო თარიღებთან დაკავშირებით მინდა შემოგთავაზოთ წმინდა სამების საკათედრო ტაძრისადმი მიძღვნილი ფოტო-ვიდეო რეპორტაჟი.

წმინდა სამების საკათედრო ტაძარი შესანიშნავი არქიტექტურული ნაგებობა და სულიერი ამაღლების სიმბოლოა ერთდროულად. ტაძრის მშენებლობა დაიწყო 1995 წლის 23 ნოემბერს. ტაძარში პირველი ღვთისმსახურება ჩატარდა 2002 წლის 25 დეკემბერს, ხოლო მშენებლობა საბოლოოდ დასრულდა 2004 წელს.
განსაკუთრებულით საოცარი სილამაზისაა სამების ტაძარი ღამით...

ზამთარი საფუძვლიანად შევიდა თავის აქტიურ ფაზაში. იანვრის თვე გამორჩეულად ცივია საქართველოში. სიცივეა ეზოსა თუ ქუჩაში, მთასა თუ ბარშიც, ცივა ზოგიერთის სახლშიც, აცივდა მთელს ჩრდილო ნახევარსფეროში... არც თუ დიდი ხნის წინ სიცივე იყო დაბუდებული ბევრის გულებშიც... სითბო კი ყველას იზიდავს, განსაკუთრებით კი ადამიანური, ერთგვარად, ჩვეულებრივი, მაგრამ ადამიანის თბილი გულიდან წამოსული...
2013 წლის საპატივცემულოდ, 13 ყვავილოვანი ფოტოთი მინდა თბილი გარემო შევუქმნა მკითხველს...
და ასეთი გარემოს შექმნა Passiflora-ს ამ უმშვენიერესი ყვავილით მინდა დავიწყო

საკმაოდ სუსხიანი და თოვლიანი იყო 2011-12 წლის ზამთრის სეზონი საქართველოში. ერთგვარი დაზამთრება ჯერ კიდევ 2011 წლის ნოემბრის დადგომისთანავე დაიწყო და 2012 წლის მარტის შუა რიცხვებამდე შემორჩა. თუმცაღა, თოვლიანი და სუსხიანი ზამთარი, ახლა, სულ სხვა, ერთგვარად რომანტიკულ, რაკურსში მინდა შემოგთავაზოთ.

ალილო, უძველესი საშობაო ტრადიცია, იგი საქართველოში V-VI საუკუნიდან იღებს სათავეს და შობის ბრწყინვალე დღესასწაულზე საქართველოს ყველა კუთხეში საშობაო მსვლელობებით აღინიშნებოდა. ამ დღეს განსაკუთრებული განწყობა იგრძნობოდა მართლმადიდებელ მრევლში. წირვის დასრულების შემდეგ, მგალობლები ჩამოივლიდნენ უბან-უბან, ჩერდებოდნენ თითოული ჭიშკრის წინ და ყველას სიმღერით ულოცავდნენ ქრისტეშობას:

მიმდინარე წლის პირველ მაისს ვიყავი ქაშუეთის ეკლესიის მიმდებარე ტერიტორიაზე, როცა, მოულიდნელად, შემომესმა სასიამოვნო რიტმული მელოდიები. გავიხედე და დავინახე დრამერები, რომლებიც ამ საოცარი მუსიკალური რიტმით კვეთდნენ რუსთაველის გამზირს და მიემართებოდდნენ ქვემოთ, 9 აპრილის პარკის მიდამოებისკენ. დავინტერესდი და გავყევი მეც. სკვერში, ქაშუეთის ეკლესიის ქვემოთ (სადაც მიხაი ზიჩის სკულპტურა დგას) დავინახე შეჯგუფებული ხალხი. მივედი ახლოს და ვხედავ აპარატურას ამზადებენ, ხოლო რამოდენიმე წუთში გამოჩდნენ უმშვენიერესი გოგონების ჯგუფი “Vanilla Cage”. პირადად მე არ მინახავს ქართველი გოგონების მიერ შესრულებული ასეთი შესანიშნავი შესრულება, მით უმეტეს მძიმე როკში. მთელი გულითა და ემოციებით, უდიდესი გრძნობით და სიყვარულით სრულდებოდა ყოველი მუსიკალური ნომერი. შესრულდა მრავალი ჰიტი სხვადასხვა ლეგენდარული ჯგუფების რეპერტუარიდან – Led Zeppelin, Withesnake და სხვა. არ იქნება გადაჭარბებული თუ ვიტყვი, რომ გოგონები განსაკუთრებით ნიჭიერები არიან და, ამასთან, თავიანთ მომხიბვლელობას, ისინი, არასოდეს კარგავენ, მათ შორის, არც მძიმე როკში.
თქვენს წინაშეა ჯგუფი “Vanilla Cage” სხვადასხვა რაკურსით: