დღეს საქართველო, თითქოს, არ განიცდის მედია-გამომცემლობებისა თუ ტელევიზიების ნაკლებობას, თუმცაღა, როგორც იტყვიან, ”იდეებს რა გამოლევსო” და სიახლეებსაც ყოველდღიურად თუ არა პერიოდულად, მაინც, უნდა ველოდოთ, ყველაფერს კი ბიზნესის ”ულმობელი” კანონები დაარეგულირებს…

10 წლის წინ, ინტერნეტში, მეც შევქმენი პროექტი ”INTERNETМЕДИААГЕНТСТВО “ASTRAPRESS”” (სამწუხაროდ ეს პროექტი, ამჟამად, დაკონსერვებულია…) და, მას მერე, განსაკუთრებით მაღალი ინტერესით ვარ მედიის მიმართ, სურვილი და ოცნებაც კი გამიჩნდა საქართველოში შექმნილიყო ორი, სპეციფიკური ხასიათის, ახალი ტელევიზია:
ორი, სპეციფიკური ხასიათის, ახალი ტელევიზია:
1. ”აი-ია”.  ამ არხზე, ძირითადად, სამეცნიერო და სასწავლო-აღმზრდელობითი თუ...

ყველამ კარგად ვიცით, თუ როგორი სასჯელ-აღსრულებითი სისტემა მიიღო, მემკვიდრეობით, ყოფილი სსრკ-ს ქვეყნებმა. ყველამ ძალიან კარგად ვიცით ისიც, თუ როგორი განუკითხაობა იყო საბჭოთა ციხეებში, თუნდაც მხედველობაში არ მივიღოთ, საბჭოური საკონცენტრაციო ბანაკები, გულაგები. თუმცაღა, დამეთანხმებით ალბათ, რომ, არანაკლებ საგანგაშო ფაქტებზე, არაერთხელ ყოფილა საუბარი ცივილიზებული ქვეყნების ციხეებთან მიმართებაშიც, მაგრამ, აქ, არის ერთი უმნიშვნელოვანესი მომენტი - არცერთი ცივილიზებული ქვეყანა არ ტოვებს მყისიერი რეაგირების გარეში ფაქტებს, რომლებიც პირდაპირ ეხება ადამიანის უფლებებს.

2009 წელს, ევროკომისიის მხარდაჭერითა და დაფინანსებით, სამუშაო ჯგუფის ფარგლებში, რომელშიც შედიოდნენ საქართველოში ევროკავშირის წარმომადგენლობისა და სხვადასხვა უწყებების თანამშრომლები, ვიმყოფებოდით ფინეთში, სადაც, რიგი სახელმწიფო დაწესებულებების გარდა, მოვინახულეთ, აგრეთვე, პენიტენციალური სისტემა და, დღეს, მინდა გამოვაქვეყნო, 3 წლის წინ, ქ. ჰამეენლინას გამოსასწორებელ დაწესებულებაში გადაღებული ფოტოები.

მე არასოდეს ვყოფილვარ საქართველოს საპატიმრო ადგილებში და არ შემიძლია კონკრეტულად შევადარო სიტუაცია ქვეყნებს შორის, თუმცაღა ყოველივეს, რასაც ნახავთ ქვემოთ გამოქვეყნებულ ფოტოებზე, მით უფრო, დაწესებულებაში არსებული ასეთი სისუფთავის, კომფორტული გარემოსა და სხვა კომპონენტების გათვალისწინებით, ალბათ, თავისუფლად შეადარებდით სიტუაციას პოლიკლინიკაში, საბავშვო ბაღებში, სასწავლო ცენტრებში, სამუშაო თუ დასასვენებელ ადგილებში...

აქვე ყურადღება მინდა გავამახვილი იმაზე, რომ აღნიშნული დაწესებულება ფინეთში ითვლება ძველ, ჯერ კიდევ მოუწესრიგებელ, საპატიმრო ადგილად და დაგეგმილია მისი მოდერნიზება. ახლა კი ვნახოთ როგორი სიტუაცია იყო იქ წლების წინ:
1. ასე გამოიყურება ფოტოზე (იგი დაწესებულებაში კედელზე ეკიდა) საპატიმრო ადგილის მთლიანი კომპლექსი. წინასწარ რომ არ იყოს ცნობილი, თუ რა ადგილია ეს, ბევრს, ალბათ, სანატორიუმი ეგონებოდა...

ინტერნეტ-სივრცეში შეიქმნა ახალი საინფორმაციო-შემეცნებითი პორტალი "Info Center Independent" (აბრევიატურა "IcI", "იცი"). პორტალი, საკუთარი იდეებისა და პროექტების პოპულარიზებისათვის, სხვადასხვა ინტერესებისა და მიზნების ინფორმაციულ სივრცეში რეალიზებისათვის, ასევე საზოგადოების ფართო წრეების ცალკეულ საკითხებში კომპეტენტური ინფორმირებისათვის, თავისუფალ ინტერნეტ-არეს სთავაზობს, ბლოგერებს, ჟურნალისტებს, კორესპონდენტებს, სხვადასხვა სფეროში დასაქმებულთ, სახელმწიფო ორგანიზაციებში მომუშავეებსა თუ არასამთავრობო სექტორის წარმომადგენლებს.
პორტალი ორენოვანია (ქართულ და რუსულ ენაზე, შემდგომში დაემატება ინგლისურენოვანი ვერსიაც) და რეგისტრირებულ მომხმარებლებს შესაბამისად აქვთ არჩევანი სხვადასხვა ენაზე თუ თემატიკურ მიმართულებაში მოახდინონ პობლიკაციების გამოქვეყნება და, შესაბამისად, პორტალის მეშვეობით, დატოვებენ თავიანთ კვალს ინტერნეტის ლაბირინთებში.
ასე, რომ მოიწონეთ ფეისბუკში ეს გვერდი, დარეგისტრირდით პორტალ "იცი"-ზე და გაამდიდრეთ მკითხველთა ცოდნა, ინტერესი და ცნობისმოყვარეობაც კი.

დღეს პორტალ "იცი"-ს პრეზენტაციაა და მისი, ერთგვარი, ნათლობა ინტერნეტ-სივრცეში

2012 წლის ბოლოს საქართველოში გოზინაყზე, ინდაურის საცივზე და თონეში შემწვარ გოჭზე უფრო აქტუალური თემა გამონახეს: დადგება თუ არა 2013 წელი, ჩაესვენება თუ არა მეხუთე მზე და ამობრწყინდება თუ არა მეექვსე მანათობელი. ბანალურია რომ ადამიანთა მოდგმის მუდმივი სატკივარი შეუცნობელის შეცნობაა, რომ ყველას უნდა იცოდეს რა ელის. ამისათვის ათას რამეს იყენებენ: კარტს, ყავის ნალექს ან თუნდაც თვითმარქვია წინასწარმეტყველებს, მაგრამ რეალურად რამდენად არის შესაძლებელი მომავლის გაგება?..  

მართლაც მაგარი თავსატეხი (სახალისო თუ დასაფიქრებელი - ვის როგორ...) გაუჩინა ყველას მაიას ტომის კალენდარმა...
მართლაც, კარგა მოშორებით გადმოისროლა, ეს პროვოკაციული წინასწარმეტყველება (ბრჭყალებში უნდა იყოს, ამჯერად, ეს სიტყვა თუ მის გარეშე, გავიგებთ ხვალ... ან ვერ გავიგებთ...), იმ ხალხმა, რომელმაც თითქოს ბორბალის დანიშნულებაც კი არ იცოდა, კალენდარი კი...

ზოგადად თამაში ჩვენი ცხოვრების განუყოფელი ნაწილია. ბავშვი თამაშით ეცნობა სამყაროს, მაგრამ ალბათ როგორც ყველაფერს, თამაშსაც აქვს თავისი უარყოფითი მხარეები. ეს კი უკვე არა - საბავშვო თამაშში გამოიხატება, რომელიც სამყაროს შეცნობისკენ არ არის მიმართული და ადამიანის მშვიდ, დალაგებულ სამყაროს უქმნის საშიშროებას.

ამ წინასაახალწლო დღეებში, პირველი თოვლით გაახარა ბუნებამ თბილისელები, განსაკუთრებით კი პატარები. დილაუთენია, ბაშვების ჟრიამულმა და ემოციურმა ყიჟინამ გამოაღვიძა თბილისი. მართლაც დიდი სიხარული მოაქვს თბილისისათვის თოვლის მოსვლას და ეს ახარებს არა მარტო ბავშვებს...

აი ასეთი მხიარული პეიზაჟები დახატა, პირველმა თოვლმა, ზამთრის ამ ერთ ჩვეულებრივ დღეს...

 თავისი განსაკუთრებული ხიბლი აქვს ბუნებას ამაყი მთებისა და მიუვალი კლდეების სახით...
წინამდებარე თემაში შევკრიბე, სხვადასხვა დროს გადაღებული, მთიანი საქართველოს სილამაზის ამსახველი ფოტო-ვიდეო მასალები, რითაც შევეცადე მაქსიმალურად მრავალფეროვნად წარმომეჩინა ჩვენი სამშობლოს ბუნების ენითაღუწერელი მშვენიერება...

(სულ 25 ფოტოგრაფია და 10 ვიდეორგოლი)

1-2. დედამიწიდან და ზეცამდე - რომანტიზმი მთებით და ღრუბლებით...

მართლმადიდებლური საქართველო

მრავალსაუკუნოვანი სულიერი საგანძური, ქართული ტაძრები და ეკლესია- მონასტრები, ქართველი ერის უდიდესი სიამაყეა,  იგი ოდითგანვე განაცვიფრებდა მნახველებს და ადამიანში ახდენდა სულიერ  ამაღლებას. დიდმარხვის დღეებში მინდა შემოგთავაზოთ, საქართველოს მრავალსაუკუნოვანი სულიერი საგანძურის შესახებ მომზადებული თემა: 

საქართველოში ქრისტიანული ქადაგება, ოდითგანვე, უკავშირდება ანდრეა პირველწოდებულის სახელს, როდესაც წმინდა მოციქული, თავისი მისიონერული საქმიანობიდან გამომდინარე, ჩვენი წელთააღრიცხვის პირველ საუკუნეში, იმყოფებოდა დასავლეთ საქართველოში და სადაც მოიტანა ყოვლადწმინდა ღვთიშობლის ხატი. ჩვენი წელთააღრიცხვის IV საუკუნეში, ვაზის ჯვრით ხელში საქართველოში შემოვიდა წმინდა ნინო (გადმოცემით ცნობილია, რომ ლოცვების შემდეგ წმინდა ნინოს ძილში გამოეცხადა ღვთიშობელი, რომელმაც გადასცა ვაზის ჯვარი და დალოცა იგი ივერიის მიწაზე ევანგელეს საქადაგებლად) და დაიწყო ევანგელეს ქადაგება. 326 წელს ქრისტიანობა, საქართველოში, გამოცხადდა სახელმწიფო რელიგიად.

1. სვეტიცხოვლის საკათედრო ტაძარი, აგებული 1010-1029 წწ. ტაძარი მრავალი წლის განმავლობაში ითვლებოდა სრულიად საქართველოს მთავარ ტაძრად. იგი შეტანილია მსოფლიო მემკვიდრეობის ნუსხაში და იმყოფება UNESCO-ს დაცვის ქვეშ, ობიექტის № 708. გადმოცემით ცნობილია, რომ ტაძრის ადგილას დასვენებულია უფლის კვართი. ამ სიწმინდის გამო მცხეთა, უძველეს სატახტო ქალაქის სახელთან ერთად ატარებს ”მეორე იერუსალიმი”-ს სახელსაც. (მცხეთა)

დიდი სიმდიდრის დაგროვების ყველაზე მარტივი საშუალებაა, იარო იმათ კვალზე ვინც უკვე მდიდარი და ძლიერია, შეიტყო და გამოიყენო ის საიდუმლოებები, რომლებსაც ისინი იყენებენ თავიანთი სიმდიდრის შესაქმნელად. მდიდარი და გავლენიანი ადამიანები კი დღევანდელ მსოფლიოში მრავლად არის. თუმცა მათზე საუბრისას პირველი ვინც ნებისმიერ ჩვენთაგანს გაახსენდება, ჯონ დევიდ როკფელერია. ის იყო ერთერთი უძლიერესი მსოფლიო მაგნატი, რომლის ქონებაც მილიარდობით დოლარს ითვლის. როკფელერი პირველი ამერიკული ნავთობ-კომპანიის სტანდარტ ოილ-ის დამაარსებელი იყო.